Í ljósi krakkasögunnar

Umsjón: Þorgerður Ása Aðalsteinsdóttir.

Umsjón: Þorgerður Ása Aðalsteinsdóttir.

Í þessum þætti er sagt frá danska ævintýrahöfundinum Hans Christian Andersen sem fæddist í Óðinsvé á Fjóni árið 1805. Frá því að hann var barn var hann ákveðinn í að verða listamaður og fór sínar eigin leiðir þrátt fyrir ýmislegt mótlæti. Hann ólst upp í fátækt, pabbi hans var skósmiður og mamma hans ólæs þvottakona, að vísu hafa allt frá dögum H. C. Andersen verið orðrómar á kreiki um að hann skósmiðurinn og þvottakonan hafi ekki verið alvöru foreldrar hans heldur hafi hann verið launsonur sjálfs danska konungsins, Krisjáns 8. Sem hljómar nú eins og eitthvað beint upp úr ævintýri! Umsjón: Þorgerður Ása Aðalsteinsdóttir

Jenny Lind (1820-1897) var 9 ára þegar sönghæfileikar hennar voru uppgötvaðir fyrir tilviljun. Hún varð heimsfræg og varð þekkt sem sænski næturgalinn. Hún kom fram á tónleikum og skemmtunum um allan heim þar sem raddfegurð hennar var dásömuð, því miður var þetta fyrir tíma upptökutækninnar en ýmislegt var þó skrifað sem gerir okkur kleift að segja sögu hennar. Umsjón: Þorgerður Ása Aðalsteinsdóttir

Tutankhamun var krýndur faraó yfir öllu Egyptalandi þegar hann var 8 eða 9 ára gamall og ríkti þangað til hann dó, aðeins 18 eða 19 ára. Þá var hann gerður að múmíu sem fannst árið 1922, rúmlega 3300 árum eftir að hann lést! Þetta er saga af fjársjóðsleit, múmíum og forn-egypskum guðum. Umsjón: Þorgerður Ása Aðalsteinsdóttir