#18 The Godfather is neit mee

#19 't Groot Radio Nónnevot liestrèkkesjdebat

Op 18 meert kent d'r weier gesjtömp waere in de gemeinteraodsverkeizinge. In deze leste podcast van sezoen 3 höbbe veer de liestrèkkesj te gas van veier poletikke pertieje oet Zitterd-Gelaen. Zie gaon mitein in debat euver ein aantal poletikke sjtandjpunte, kenne Sjerp & Ruig ze in toom hawte en waere d'r nog sjoon verkeizingsbelofte gemaak? Geer heurt 't in podcast 19 van Sjerp & Ruig!

#18 The Godfather is neit mee

25 januari bereikte ós 't berich dat Grootvors Fernao I (Schmeits) is euverleeje. Hae regeierde es Vors Marot van 1981 pès 1997 mit zien kènmirkende sjtöm euver 't Marotteriek en reip in dae tied 14 sjtadsprinse oet. In deze podcast kalle veer mit Vorst Joep I (dae ein van zien prinse waor) en auwt Marot Wim Claessen euver de tied mit Fernao. In aanluip nao 't LVK kalle veer in deeze podcast wiejer nog mit de wènnesj van 't LVK 2025, mèr oet respek veur de Vors in deze podcast geine Braamimaeker of biezunjere gast in Dao höbste hööm dao.

#17 Nederland kan meer Limburg gebruiken

In podcast 17 van Sjerp & Ruig neemes minder es Gouverneur Emile Roemer. Hae sjprik zien zörg oet euver de toenummende regeldrök en köste veur vereiniginge, mèr hae benaodrök ouch 't belang van de Limburgs dialek de vastelaovend en cultuur. Mèr v'r höbbe ouch Cyrille Niël te gas dae op 21 januari zien doctoraal examen haet aafgelag pès 'Doctorandus Humoris Causa’ van de Narren Universiteit Limburg (NUL). Alvas ós ekskuus veur de get langer 'Dao höbste hööm dao' dees waek. Oze sjpraeker haw mit zien biezunjer gedich 'De onomkeerbaarheid van 't onsjöldige moment', gèt mee tied neudig es normaal.  Radio Nónnevot is de radiozender in veur vastelaovend oet Zitterd. En wie geer gewend zeet van ós alles mit ein flinke partie brazel, wauwel en heel get sjaele kal. Kiek ouch op www.radiononnevot.nl veur meer infermaase.

#16 C'est Fini?

Peet en Paul sjtaon tössje oergesteinte van de meziek in. Saame bekand ein eeuw aan muzikaal ervaring, bekend van ontelbare nòmmesj bènne en boete 't Zittesje. Dees waek aan taofel bie Radio Nónnevot: Fieny Cals en Guus Steinen.  Mèr veer höbbe ouch obbenuuts in de podcast. De 'Vrouwluuj zónger naam' orgniseiere de vrouwluuj zitting nuuje sjtiel. Ze beantwoorde de vraog wie me mansluuj zo gek krig om get veur de vrouluuj te doon en kenne de vrouwluuj nuut talent verwachte oppe buhne? En de man dae euveral zien meining euver wilt gaeve Frank Braam -alias de Braamimaeker- leet ouch dees waek weier van zich heure. Radio Nónnevot is de radiozender in veur vastelaovend oet Zitterd. En wie geer gewend zeet van ós alles mit ein flinke partie brazel, wauwel en heel get sjaele kal. Kiek ouch op www.radiononnevot.nl veur meer infermaase.

#15 Vogele mit de Vastelaovend

Sezoen nómmer 3 van Sjerp & Ruig begint drèk sjerp: "Vogele mit de Vastelaovend". Dits keer kump vanalles veurbie. Hosse en sjprènge, mit de naate raaf (en dreuge Raaf), vogele, veugel en vastelaovend. Peet en Paul duuke in de vastelaovend mit vastelaoves leifhöbber en redakteur van L1: Tom Doesborg. En natuurlik höbbe veer d'n (aansjtaond) hoogheid Sjtadsprins Rik I aan taofel en komp geer alles te weite wie hae de vastelaovend viert. Radio Nónnevot is de radiozender in veur vastelaovend oet Zitterd. En wie geer gewend zeet van ós alles mit ein flinke partie brazel, wauwel en heel get sjaele kal. Kiek ouch op www.radiononnevot.nl veur meer infermaase.