Forbudte stemmer

Mana Neyastani skjønte at han levde farlig som satireteiknar i Iran. Derfor slutta han – og begynte med uskuldige teikningar for barn i staden. Det skulle han aldri ha gjort...

På Sri Lanka blir ein grav opna og eit skjelett kledd i dress henta opp. I New York sit ei enke og lurer på om ho endeleg skal få svar. Kven var det som tok livet av mannen hennar, den kjende redaktøren? Og som tvang henne sjølv til å flykta frå heimlandet.

Då Khaled Harara såg at bilen han satt i var på veg mot politistasjonen, blei han superhappy. Han hadde frykta noko mykje verre. At dei skulle ta han til ein aude plass i utkanten av byen, kle han naken, skyta han og etterlata han i ei grøft. At Hamas ville statuera eit eksempel. Visa kva som skjer med folk som driv med djevelens musikk, med rapp, i Gaza.

Tenk deg at namnet ditt hamnar på ei dødsliste. Andre som står på lista, folk du kjenner, blir drepne på gata med machete. Går du heim og fortel kona di at du står på denne lista? Eller hold du kjeft?

Ein dag i 1999 blei den unge cubaneren Orlando Luis Pardo Lazo kalla inn på sjefens kontor. Han fekk sparken, og måtte seinare flykta frå Cuba. Men kva hadde eit legendarisk sjakkparti på Island i 1972 med dette å gjera?