Cellal Ko Ngalu

Kanseer prostate: Hannde Dr Lamine NIANG, maa yeewtan en hol safaruuji gooduɗi ngam ñawndude oo rafi

Kanseer prostate ina jeyaa e kanseruuji ɓurɗi heewde e worɓe, kono kadi ina jeyaa e kanseeruuji ɓurɗi waawde safreede haa sella, so tawi tinaama lawu. E nder yeewtere men ɓennunde ndee, en kaaliino e nafoore yaawde waɗde ƴeewndo wala depistage, woni so gorko dañii duuɓi 45, kadi ɓe cuusa haalde wonnde eɓe ngonndi e ñawu ngu, ɓe mbaasa suuɗde ngu. E yeewtere men hannde nde, maa en ndaardu e koɗo men Dr Lamine NIANG, hol safaruuji gooduɗi e hol no ɗii kaani ƴettireede?

Taskaram men Cellal ko ngalu ene yeewtana en hannde ko faati e rafi "Kanseer prostate"

Hannde, kaalaten ko e “kanseer prostate”. Ko ñawu heɓoongu ujunnaaje ujunnaaje worɓe, kono heewɓe ina kersa anndinde wonde eɓe ngonndi e maggu. Kono, so tawii waɗaama gila e law yeewndo “depistage’ e ɗemngal fransire, ngam anndude so tawi ñawu ngu nana e maɓɓe walla alaa, ɗum ina waawi hisnude ɓe. E nder yeewtere men hannde altine 01 lewru 12ɓuru, ma en eto faamde holko waɗi heewɓe ina calo haalde, wonde eɓe ngonndi e kanseer prostate? Kadi holno worɓe kaani wallireede walla hirjineede mbele eɓe cuusa waɗoyde yeewndo ngo? Njeewtitten ko e Pr Lamine NIANG, heertorɗo kaanser Prostate

Holko woni ñawu "Drepanocytose"?, Pr Indou Deme LY ene yeewtana en alhaali oo rafi

Yeewtere Cellal ko Ngala, yeewtata hannde ko ñawu wi'eteengu "Drepanocytose", jaaliingu sanne e nder Afrik. Holko woni nguu ñawu? Holko ngu waawi battinde e dafaaɗo o? Holno ngu safrorte? Njeewtitten ko e Pr Indou Deme LY...

Hannde eɗen njeewta ko faati e Jabet, ñawu sariingu e winndere nde

Jabet ko ñawu yaajngu e nder winndere ndee. E nder Afrik tan ko ɓuri yimɓe 24 miliyoŋ no ngonndi e ñawu ngu. Ko ñannde aljuma ɓennuɗo o, woni 14 lewru ndu hono no woowiri n hitaande kala e ndu lewru 11ɓuru, oo ñalawma ina heertananaa ñawu jabet. Hol caɗeele gooɗɗe ngam haɓaade ñawu nguu? Hol no ñawɓe ɓe e ɓesnguuji mum en nguurdi e ɗeen caɗeele? Holno doktoreeɓe ɓe ngoni e jagganorde ɓe? Ko ɗum njeewtaten hannde e taskaram men Cellal ko Ngallu, e oo altine 17 lewru 11ɓuru.

Hannde yeewtere men no yowitii e ñawu gurol ɓanndu « psoriasis », ko holno no ngu sawrirte?

Hannde, en kaalat ko faati e ñawu tesketeengu e nguru ɓandu neɗɗo wi’eteengu e fransire « psoriasis ». Ngam faamde nguu ñawu e anndude sabaabuuji e safaara maggu, en njokkondirat e telefon e Dr Fatoumata Ly, kertoriiɗo ñabbuuji nguru ɓanndu neɗɗo, no wi’e « dermatologue » e fransire