Vigilante Kòrsou

Vigilante Ekonomia tin komo invitado Dr. Jose Jardim ku ta direktor di CBCS. E lo papia tokante e vishon i tambe e desaroyo monetario rondo di CBCS.

Den programa Ekonomia Vigilante direktor di Curoil Yamil Lasten ta splika kon nan sobrebibí Covid 19 i efektonan di un refineria sin operadó

E siman aki huntu ku Ivan Montana doño di Serbes Kòrsou, Vigilante Ekonomia ta analisá merkadeo di produkshon nashonal dirigí riba merkado di serbes Awe Vigilante ta investiga: * Nos ta importa I bebe 125 kontaioner/7.8 Mion boter di serbes pa luna * Temporada ku Kòrsou tabatin hopi sen i trabou * Historia di industriepark brievengat * Historia di serbes kòrsou * Kiko gobiernu mester hasi pa produktor nan nashonal? * Promoshon di serbes

Alvin Daal ta papia riba ekonomia di agrikultura i sostenibilidat kompetitivo pa esnan ku ta den e proyekto di Hydroponia. Den entrevista aki nos ta investiga: * Remplasá importashon di kuminda. * Invershon inisial total ta Nafl 200,000 basá riba kálkulo maksimal * Kon profundo e sosten ta pa e hóben nan ku invertí den Hydroponia? * Fiansa di 2% pa agrikultor nan di futuro * Efekto di industrialisashon riba kultura di Kòrsou * Benefisionan di Hydroponia

Hende sa pensa ku na Kòrsou ta difisil pa traha sen. Fabrikanan lokal ta sòru pa kasi 10% di nos produkto nashonal bruto. Esaki ta indiká ku produkshon nashonal ta un di e pilarnan den nos ekonomia. Durante e programa di Vigilante Ekonomia, invitadó Cedric Sprock, direktor di The Coffee Factory NV huntu ku nos presentado lo elaborá mas riba e tópiko. Cedric Sprock ta duna nos e jabi di eksito i e sekreto tras di Cafe Barista. Den e entrevista aki nos ta investiga: * Komo un direktor kiko ta e yabi di eksito? * Kiko ta e problema pa produktor nan lokal? * Ta berdat kada be un yu di kòrsou kumpra un produkto international kòrsou ta bira mas pober? * Ki benefisio tin di kumpra marka lokal enbes di marka internashonal? * Aki 3 luna kiko ta bai pasa ku bo Cashflow? * Kiko ta hasi Cafe Barista differente? * Kon ta rekupera for di Covid-19?