Sis-Finnmárkku syndroma

87. Jogo čuvggodišgođii? Ja NASÁG-kampánja

Dán oasis gulat mo manai go Ánne Márjá lágidii Halloweendoaluid máná skuvlaluohkkái, maid ovddeš presideanta oaivvildii jearaldagain Jaskatvuohta Sámis/Tystnaden i Sápmi-pánelaságastallamis, ja NASÁG-kampánjja birra; leago dá buorre vuohki čalmmustit kulturerohusaid gaskal majoritehtaservodaga álbmoga ja sápmelaččaid?

86. Issoras Oaivilat Ja Sevdnjes Mokta

Maŋŋágo hálaime Jaskatvuohta Sámis-filmma birra de letne dovdan man issoras sáhttá leat oaivvildit juoga Sámis. Anne Lene háliida maid hállat Girjjálašvuođabeaivvi birra, muhto ii Ánne Márjá leat nu hállái.

85. Dáidda Ja Jaskatvuohta Sámis

Makkár dovddu addá Outi Pieski, Anders Sunna, Máret Ánne Sara ja Pauliina Feodoroff dáidda? Ánne Márjá lea fitnan dáiddamátkis juoigamin ja čierrumin. Letne maid geahččan Jaskatvuohta Sámis ja digaštalle sihke filmma ja fáttá.

84. Diggeváikkuhusat

Ánne Márjá lea fitnan sihke dikkis ja čállinbájis, ja dalle heive hui bures ahte dát ságastallan almmuhuvvo Psyhkalaš dearvvašvuođa máilmmibeaivvi. Podkástaoasis leat Ánne Márjjá jurdagat ja su vásáhus diggeáššiin, earáin geat leat leamaš dikkiin ja diggevuogádagas leat sin iežaset jurdagat ja vásáhusat.

83. Leago korpsa, gákti ja NSR buohkaide?

Dán oasis hálle guottuid birra mat leat rievdan, sohkabealneutrála dahje vuogas gávtti birra, ja NSR birra mas vissá leat ollu miellahtut gávpogiin ja unnán gilážiin.