Burnout - الاحتراق النفسي

Burnout - الاحتراق النفسي

كتير منّا، كطلّاب وخريجين، منركض من شغل لمحاضرة، من مهمة لتسليم، ومن توقّعات لنتائج… وبين كل هالضغط، مرات منوصل لمكان منسأل حالنا: ليش حاسس/ة إني تعبان/ة؟ ليش مش قادر/ة أكمّل؟ - هاد هو الاحتراق النفسي. الاحتراق مش بس تعب جسدي… هو إنهاك نفسي وروحي ممكن يبعدنا عن الهدف، ويخلينا نحس إنو فقدنا الشغف، حتى بالأشياء اللي كنا نحبّها. كيف منقدر نميّز بين التعب الطبيعي والاحتراق؟ وين الله بيكون وسط هاي اللحظات؟ كيف منقدر نرجع نلاقي المعنى، ونكمّل بثبات مش بقوتنا، بل بقوته؟ بهاي الحلقة، ميليتا بتحاور رشا عن الموضوع ومنسمع منهن عن كيف واجهوا لحظات من الإنهاك، شو تعلّموا منها، وكيف الله اشتغل فيهم من خلال الضعف… حلقة صادقة، عميقة، وبتلمس التعب اللي كتير منّا عم بعيشه بصمت.   هات نحكي عَ فنجان قهوة، الموسم الثّاني الحلقة الرابعة - "الاحتراق النفسي" - رشا سابا   محاورة ميليتا خوري   مُخرج فرح سماوي   صوت وتصوير فرح سماوي    مونتاج فرح سماوي   موسيقى أصليّة سامر عودة   شكر خاصّ سلام أبشاي نيريا حزّان رزان عجاج رشا سابا هانية نعّوم   إنتاج رابطة الطّلّاب المسيحيّين FCSI © 2025

الله في شغلي وتعليمي - God at My Work and Studies

اغلب الطلّاب والخريجين بيقضّوا اكثر من 8 ساعات بالنهار بالشغل او بالتعليم، الي كثير ماخدين حيّز كبير من تفكيرنا واولويّاتنا. كيف بقدر اخلّي الله اولويّتي الاولى في حياتي وتعليمي؟ كيف بقدر اكون شهادة للي حواليّ؟ وين شفت الله بشكل واضح في تعليمي وشغلي؟ كيف بقدر، بالرغم من التحديات، اثابر وابقى راسخ بإيماني؟ تعالوا اسمعوا سامية ورزان شو عندهن يحكولنا عن الموضوع!

ترتيب الوقت والأولويّات - Priorities and Time Management

في هاي الحلقة منناقش اولويّاتنا من وجهة نظر الايمان المسيحي. في الحلقة، بطرس بشاركنا بنصائح عمليّة لترتيب الوقت وادارة الاولويّات. كيف بقدر أقول لا على اشياء معيّنة؟ كيف بقدر اقرر شو اولويّتي وشو لا؟ كيف بقدر احط الله يكون دايمًا بالوسط؟

New Beginnings - البدايات الجديدة

"أَيُّهَا ٱلْإِخْوَةُ، أَنَا لَسْتُ أَحْسِبُ نَفْسِي أَنِّي قَدْ أَدْرَكْتُ. وَلَكِنِّي أَفْعَلُ شَيْئًا وَاحِدًا: إِذْ أَنَا أَنْسَى مَا هُوَ وَرَاءُ وَأَمْتَدُّ إِلَى مَا هُوَ قُدَّامُ" فِيلِبِّي 3:13 شو يعني بداي جديدة؟ شو الفرق بينها وبين الهروب من الماضي؟ شو في دروس تعلّمناها هديك  السنة؟ تعالوا اسمعوا ايمان، نويا، مجد، سهيل، وفرح، شو عندهن يقولوا عن الموضوع.