The Spirit of Grace - కృప గల ఆత్మ

Speaking in Tongues - Reasons and Benefits - అన్య భాషలలో మాటలాడుట (కారణములు మరియు ప్రయోజనములు)

దేవుడు విశ్వాసులకు అన్య భాషలలో మాట్లాడే వరాన్ని ఎందుకు ఇచ్చాడో ఎప్పుడైనా ఆలోచించారా? ఎంతో ఙ్ఞానము ఇమిడియున్న ఈ సందేశంలో, పాస్టర్ బెంజమిన్ కొమానపల్లి జూనియర్ గారు కొందరు విశ్వాసులు ఎందుకు భాషలలో మాట్లాడడానికి దూరంగా ఉంటారో వివరించి, భాషలలో మాట్లాడుటకు సంబంధించిన బైబిలు ఆధారమైన కారణాలను మరియు ప్రయోజనాలను తెలియజేస్తున్నారు. ఈ అమూల్యమైన వరాన్ని స్వీకరించి, మీ పరలోక తండ్రితో మీ సంబంధాన్ని మరింతగా బలపరచుకోండి. క్రీస్తులో దేవుడు మీ కొరకు దాచియుంచిన మర్మాలను ముందుకు సాగి స్వతంత్రించుకోండి. భాషలలో మాట్లాడుటను అభ్యసించుటలో మీరు మరింతగా ఎదుగుదురు గాక.

Be Filled With The Holy Spirit - పరిశుద్ధాత్మ చేత నింపబడుట

మీరు పరిశుద్ధాత్మతో నింపబడ్డారా? ఈ సందేశంలో, పాస్టర్ బెంజమిన్ కొమానపల్లి జూనియర్ గారు పరిశుద్ధాత్మ అంతర్నివాసం మరియు నింపుదల మధ్య ఉన్న తేడాను స్పష్టంగా వివరిస్తున్నారు. దేవుని అతీతమైన శక్తిలో ఎలా నడవాలో, పరిశుద్ధాత్మతో నింపబడుటకు సంబంధించిన రెండు కీలక సత్యాలను, అలాగే అన్యభాషలలో ప్రార్థించేందుకు పరిశుద్ధాత్మ ఎలా వాక్ శక్తి  అనుగ్రహిస్తాడో ఇక్కడ తెలుసుకోండి. మీ జీవితంలో పరిశుద్ధాత్మ కార్యానికి మీరు ఎన్నటికీ అపరిచితులుగా ఉండక, ఆత్మలోను, మనస్సుతోను ప్రార్థించే సంపూర్ణ అనుభవాన్ని మీరు పొందుదురు గాక.

Revealer of Divine Mysteries - దైవిక మర్మాలను బయలుపరచువాడు

మీ భవిష్యత్తు, మీరు ఎవరిని వివాహం చేసుకుంటారు, ఐదేళ్ల తర్వాత ఎక్కడ ఉంటారు, లేదా మీ వ్యాపారం విజయవంతమవుతుందా అలాంటి విషయాలు మీకు తెలుసా? లేక ఇవన్నీ ఇప్పటికీ మీకు మర్మముగానే ఉన్నాయా? ఆ మర్మాలను ముందుగానే మీకు తెలియజేయగల ఒకరు ఉన్నారని మీకు తెలుసా? ఈ సందేశంలో, పాస్టర్ బెంజమిన్ కొమానపల్లి జూనియర్ గారు మర్మాలను బయలుపరచుటలో నిష్ణాతుడైన పరిశుద్ధాత్మ గురించి బోధిసస్తూ, మర్మాల గురించి మూడు కీలక సత్యాలను, అలాగే పరిశుద్ధాత్మ మనలో ఎలా అంతర్నివసిస్తారో విస్తరిస్తున్నారు. ఏ విషయమూ మీకు మరుగై ఉండకుండా, ఇప్పటికే మీలో ఉన్న దైవిక జ్ఞానాన్ని నిరంతరం మీరు చేదుకుంటూ, సమయాన్ని వృథా చేయకుండా, దేవుడు మీ కొరకు సిద్ధపరచిన మహిమగల గమ్యాన్ని మీరు ముందుకు సాగి స్వాధీనపరచుకొందురు  గాక.

The Spirit of Grace - కృప గల ఆత్మ

పరిశుద్ధాత్మ – కృప గల ఆత్మ మీరు యేసును ప్రేమిస్తున్నారు కానీ మీ జీవితంలో సాక్ష్యం, విడుదల, ఆనందం, సమాధానం, విజయవంతమైన క్రైస్తవ జీవితం జీవించడానికి, ప్రార్థనకు, మీ విశ్వాసాన్ని ఇతరులతో పంచుకోవడానికి శక్తి లేన్నట్లు అనిపిస్తుందా? అయితే ఈ ఒక్క సత్యాన్ని గ్రహించడం మీ జీవితాన్ని పూర్తిగా మార్చివేయగలదు. పరిశుద్ధాత్మపై కొనసాగుతున్న ఈ సిరీస్లో, పాస్టర్ బెంజమిన్ కొమానపల్లి గారు ప్రతి విశ్వాసికి అత్యంత అవసరమైన ఒక సత్యాన్ని మనకు కళ్ళు విప్పుతున్నారు: ఆత్మీయ ఎదుగుదల. దేవుడు మన కొరకు సిద్ధపరచిన సమస్త ఆశీర్వాదాలను ముందుకు సాగి, స్వాధీనం చేసుకోవడానికి, ఆయన ఉద్దేశాన్ని నెరవేర్చడానికి ఈ ఎదుగుదల ఎంతో కీలకం. అలాగే, దేవునికి ఇష్టమైన జీవితాన్ని జీవించడం మన ఆత్మీయ ఎదుగుదలతో ఎలా సంబంధితమై ఉందో, మరియు నూతన నిబంధన ప్రకారం జీవించడానికి  పరిశుద్ధాత్మ పోషించే అత్యంత ముఖ్యమైన పాత్రను ఆయన వివరిస్తున్నారు. ఈ సందేశాన్ని విని మీ భావోద్వేగాలు లేదా పరిస్థితులాధారంగా కాకుండా మీ జీవితంలోని ప్రతి అడుగులో పరిశుద్ధాత్మ నాయకత్వంతో నడవాలని  నిర్ణయించుకోండి.

Guaranteed Victory through the Holy Spirit - పరిశుద్ధాత్మ చేత నడిపించబడుట

మీరు ప్రతి ఒక్క సారి విజయంలోనే నడచుటకు  మీకు సహాయం చేసే వారు ఒకరు ఉన్నారని మీకు తెలుసా? ఈ వర్తమానంలో, పాస్టర్ బెంజమిన్ కొమానపల్లి జూనియర్ గారు, విశ్వాసులు పరిశుద్ధాత్మతో మరింత లోతైన సంబంధాన్ని పెంపొందించుకోవడం ద్వారా ఎలా నిరంతర విజయాన్ని అనుభవించగలరో వెల్లడిస్తున్నారు. ఈ సందేశం ద్వారా మీరు పరిశుద్ధాత్మ సన్నిధిని గుర్తించడం, ఆయన నడిపింపును విశ్వసించడం, ఆయన ప్రేరేపణలకు విధేయత చూపించడం నేర్చుకొని దేవుడు మీ కొరకు సిద్ధపరచిన నిశ్చయమైన విజయంలో మీరు నడవగలుగుతారు. ఈ సందేశాన్ని విని, పరిశుద్ధాత్మచే నడిపించబడే జీవితానికి ఉన్న ప్రత్యేకమైన ఆధిక్యతను తెలుసుకోండి.