الروحانيات مع منيره

في هذه الحلقة من الروحانيات مع منيرة نفتح موضوع قد يكون أقرب لك مما تتوقعين: ليش التعلّق يجذب الفقر؟ مو الفقر المالي فقط لكن فقر المشاعر الحب وحتى إحساسك بنفسك نتحدث عن: كيف التعلق بالعلاقات أو المال يسرق طاقتك ويخفض ذبذباتك؟ ليش كثير نساء يعشن في علاقات مليانة نقص رغم وجود الشريك ؟ الرابط بين الاحتياج المستمر وطاقة الفقر في كل جوانب الحياة خطوات عملية وتمرين طاقي يساعدك ترجعين قوتك وتبنين إحساس وفرة داخلي. حلقة مليانة وعي وأدوات بسيطة تخليك تبدأين تسترجعين طاقتك وحياتك

كثير منا يدخل علاقات مليانة دفء وحب ووعود لكن بعد فترة كل شي يبرد يتغير أو يختفي بدون سبب واضح. في هالحلقة نغوص سوا بثلاث زوايا مختلفة: 👁️ نفسيا: كيف توقعاتنا وعطاؤنا الزايد يخلينا نحترق؟ 🔮 طاقيا: كيف اختلاف الترددات يخلق فجوة؟ ✨ روحيا: هل بعض العلاقات مهمتها مؤقتة فقط؟ الحلقة مو بس تحليل فيها دعاء تسبيح تأمل وأسئلة تخليك تفهم وتتحرر وتحب نفسك من جديد. 🎧 استمعي الآن يمكن تكتشفين السبب اللي كان يوجعك بصمت

في هذه الحلقة أفتح معكم قلبي حول فكرة كثير نعاني منها بدون ما ننتبه: ليش لازم نوقف حياتنا ونحزن مع كل شخص حوالينا تعب أو موجوع؟ كيف نوازن بين تعاطفنا ومحبتنا لهم وبين حقنا الطبيعي بالفرح والحياة؟ من إلهام نقاش عميق مع صديقة قريبة على قلبي أشارككم هنا أفكار وتمارين تساعدكم تعيشون الفرح بدون ذنب وتحافظون على طاقتكم حتى في أصعب الظروف. هالحلقة لكل شخص قلبه حساس بس يبغى يقول: ( أنا أستحق أفرح حتى وسط أوجاع الدنيا )  استمعوا شاركوني مشاعركم وخلوها تكون نقطة بداية لوعي أوسع وأعمق. 🌸

من أول ما تكبر البنت يبدأ المجتمع يهمس لها ( لا تتكلمين كثير ) خفي صوتك خليك هادية عشان تنخطب ! لكن ليه لازم نسكت عشان نحب؟ في هالحلقة نكسر الصورة النمطية عن ( الأنثى المناسبة للزواج ) ونفتح النقاش عن الصوت، التعبير والاستحقاق هل الصوت العالي يخوف؟ ولا الحقيقة هي اللي تخوف ؟ حلقة لكل بنت شالت نفسها عشان تنقبل… والآن تبغاها تُسمع مو تنكتم

في هالحلقة ما أتكلم عن الفقد بل عن الفكرة اللي تخلينا نتجاهله. عن اللحظة اللي تهز شعورك بدون ما يصير شي فعلي بس تخليك تشوف الحياة من زاوية ثانية. أحكي عن وعكة بسيطة مرت فيها أمي لكنها فتحت لي بوابة كبيرة بوابة الوعي والخوف والحب وكل شي بين هالثلاثة. عن كيف نعيش وحنا نعرف إن اللي نحبهم ما راح يدومون. حلقة ما راح تعلمك كيف تتجاوز لكن يمكن تخليك ( تحضر ) قبل لا تضطر ( تودع )