The New City Church Podcast - Telugu

Guaranteed Victory through the Holy Spirit - పరిశుద్ధాత్మ చేత నడిపించబడుట

మీరు ప్రతి ఒక్క సారి విజయంలోనే నడచుటకు  మీకు సహాయం చేసే వారు ఒకరు ఉన్నారని మీకు తెలుసా? ఈ వర్తమానంలో, పాస్టర్ బెంజమిన్ కొమానపల్లి జూనియర్ గారు, విశ్వాసులు పరిశుద్ధాత్మతో మరింత లోతైన సంబంధాన్ని పెంపొందించుకోవడం ద్వారా ఎలా నిరంతర విజయాన్ని అనుభవించగలరో వెల్లడిస్తున్నారు. ఈ సందేశం ద్వారా మీరు పరిశుద్ధాత్మ సన్నిధిని గుర్తించడం, ఆయన నడిపింపును విశ్వసించడం, ఆయన ప్రేరేపణలకు విధేయత చూపించడం నేర్చుకొని దేవుడు మీ కొరకు సిద్ధపరచిన నిశ్చయమైన విజయంలో మీరు నడవగలుగుతారు. ఈ సందేశాన్ని విని, పరిశుద్ధాత్మచే నడిపించబడే జీవితానికి ఉన్న ప్రత్యేకమైన ఆధిక్యతను తెలుసుకోండి.

Anointed for Guaranteed Victory - నిశ్చయమైన విజయం కోసం అభిషేకింపబడినవారు

మీరు జీవితంలో అన్ని వైపుల నుండి దాడులు ఎదుర్కొంటున్నట్లు అనిపిస్తూ, బయటపడే మార్గమే కనిపించని స్థితిలో ఉన్నారా? మీ జీవితంలోని ప్రతి రంగంలో విజయాన్ని అనుభవించాలని కోరుకుంటున్నారా? మీకు సమాధానం ఇక్కడ ఉంది! ఈ సందేశంలో, పాస్టర్ బెంజమిన్ కొమానపల్లి జూనియర్  గారు, దేవుడు తన పిల్లలు విజయవంతమైన జీవితాన్ని జీవించాలని ఎంతగా కోరుకుంటున్నాడో తెలియజేస్తున్నారు. అలాగే, దేవుడు మన కొరకు సిద్ధపరచిన విజయవంతమైన జీవితాన్ని అనుభవించడానికి ఆయనపై ఆధారపడడం ఎంత ముఖ్యమో బోధిస్తున్నారు. విజయం మీ జన్మహక్కు. పరిశుద్ధాత్మ ద్వారా మరియు యేసు నామమందలి విశ్వాసం ద్వారా, మీరు నిశ్చయమైన  విజయాన్ని మీ జీవితంలో పొందగలరు, వ్యక్తపరచగలరు మరియు అనుభవించగలరు. దీనినే, దీనిని మాత్రమే నమ్మండి, మరియు క్రీస్తులో ఇప్పటికే మీదైయున్న విజయంలో నడవండి.

I Will Pour Out My Spirit - అంత్యకాల అభిషేకము (Pastor Arpitha Komanapalli)

మీ క్రైస్తవ జీవితంలో శక్తిలేకుండా జీవిస్తున్నారని అనిపిస్తున్నదా? ఈ పెంతెకొస్తు ఆదివారాన, పాస్టర్ అర్పిత కొమానపల్లి గారు పరిశుద్ధాత్మ బాప్తిస్మం గురించి స్పష్టమైన, లేఖనాధారిత బోధనను అందిస్తున్నారు. మీరు తిరిగి జన్మించిన విశ్వాసిగా దేవునిని మరింత లోతుగా తెలుసుకోవాలని ఆశిస్తున్నా, లేదా జీవితంలోని పోరాటాలపై విజయాన్ని కోరుతున్న వ్యక్తి అయినా, మీరు పరిశుద్ధాత్మను తెలుసుకోవడం ఎంతో అవసరం. ఈ వర్తమానములో, మీరు నీటి బాప్తిస్మం మరియు పరిశుద్ధాత్మ బాప్తిస్మం మధ్య తేడా ఏమిటో, పరిశుద్ధాత్మతో నింపబడుటకు బైబిలు చూపించే మార్గం ఏమిటో, అలాగే అన్య భాషలలో మాట్లాడుట యొక్క రహస్యం మరియు వాటి ఉద్దేశ్యం ఏమిటో తెలుసుకుంటారు. అన్య భాషలు మాట్లాడే సూచనతో కూడిన పరిశుద్ధాత్మ బాప్తిస్మ అనుభవాన్ని పొందుటకు మీలో ఆత్మీయ ఆకలి కలుగును గాక; మరియు దేవుడు మీ ద్వారా శక్తివంతమైన కార్యములు చేయుట  మీరు చూచుదురు గాక. యేసు నామములో, ఆమేన్!

The Father's Promise - The Holy Spirit తండ్రి వాగ్దానం - పరిశుద్ధాత్మ

మీరు నిజంగా శక్తివంతమైన క్రైస్తవ జీవితాన్ని జీవిస్తున్నారా? ఈ వర్తమానములో పాస్టర్ బెంజమిన్ కొమానపల్లి జూనియర్ గారు, పాత నిబంధనలో పరిశుద్ధాత్మ దేవుడు ఎలా పని చేశాడో, మరియు ఇప్పుడు నూతన నిబంధనలో పరిశుద్ధాత్మకు సంబంధించి విశ్వాసులకున్న వాస్తవికత ఏమిటో వివరిస్తున్నారు. పాత నిబంధనలో పరిశుద్ధాత్మ కొంత కాలం మాత్రమే మనుష్యుల మీదకు దిగి వచ్చే వాడు; కానీ ఇప్పుడు క్రీస్తులో ఉన్న ప్రతి విశ్వాసిలో ఆయన ఇప్పుడు శాశ్వతంగా నివసిస్తున్నాడని పాస్టర్ గారు వెల్లడిస్తున్నారు. ఈ సందేశం పరిశుద్ధాత్మను కలిగి ఉండటం యొక్క ప్రాముఖ్యతపై మీకు బలమైన పునాదిని వేయడానికి మాత్రమే కాక, తండ్రి ఇచ్చిన ఈ అమూల్యమైన వరమైన పరిశుద్ధాత్మ ద్వారా దేవునితో మీ సాన్నిహిత్యాన్ని మరింతగా పెంచుకోవడానికి సహాయపడుతుంది. మీరు పరిశుద్ధాత్మ బాప్తిస్మమును పొంది, దేవుని మహిమ కొరకు మీ జీవితాలు సమూలంగా మార్చబడును గాక!

Supernatural Financial Increase - అతీతమైన ఆర్ధిక అభివృద్ధి

నిజమైన సమృద్ధికి దారితీసేది ఏమిటి? తన పిల్లల కొరకు ముఖ్యంగా ఆర్థిక విషయాలలో, దేవుని చిత్తం ఏమిటో ఈ సందేశంలో పాస్టర్ బెంజమిన్ కొమానపల్లి జూనియర్ గారు విశ్వాసులకు గుర్తుచేస్తున్నారు. వారు మొదట మన మనస్సు వర్థిల్లుట పునాదిగా అవసరమని బోధిస్తూ, దేవునికి మరియు ఆయన మన జీవితాల్లో ఉంచిన నాయకులకు మనలను మనము పూర్తిగా సమర్పించుకొనుట ద్వారా, అలాగే ఇచ్చుట విషయంలో ఉన్న భయాన్ని విడిచిపెట్టుట ద్వారా, దేవుడు మన కొరకు సిద్ధం చేసిన సమృద్ధియైన జీవితాన్ని అనుభవించగలమని తెలుపుతున్నారు. మీరు మీ ఉదారతకై ప్రసిద్ధి చెంది, మీ ఆదాయం వల్ల మీరు పరిమితపరచబడకుండా, మీ త్యాగపూర్వకమైన ఇచ్చుట ద్వారా అనేకులు దేవుని రాజ్యంలోనికి వచ్చుదురు గాక. ఆమేన్!