Edvin

I forrige episode kom Therese over Bår som sat i senga med Mac-en i fanget og googla: How old can you be and still become pregnant? Tanken på eit nytt barn, og på om det er det som skal til for å finna balansen igjen og koma seg vidare, har tatt form. Å prøva å få eit nytt barn peikar inn i framtida, men Therese kjenner seg også som ei trulaus mor som prøver å erstatta Edvin.

Det har gått nesten eitt år, og familien på Sagene gruar seg til sommarferien utan Edvin. Bår syns det er vanskeleg å snakke med andre om at han gruar seg utan at det overtar samtalen fullstendig. Han vil ikkje at dei skal bli familien som har mista ein son, samstundes vil han at folk skal vite at han har hatt ein son. Når Therese spør om Idun kan tenke seg eit lite søsken svarar ho at ho kunne tenkt seg ein bror på sju år.

Dei fyrste dagane etter at Therese, Bår og Idun er komne heim er det som om eit usynleg sikkerheitsnett blir vevd rundt dei. Telefonar, meldingar og blomar. Kvar gong dei åpnar døra ligg det noko utanfor - eit varmt brød, handskrivne kort og brev, fjøra frå naboen sin papegøye i ein konvolutt saman med gjærbakst. Den fyrste tida er full av både sorg og kjærleik. Men så byrjar ei vanskelegare tid. Den vesle familien sørgjer på ulik måte og kjem i utakt.

Therese og Bår drar til Rikshospitalet i Oslo for å møte Edvin og mormor som er på veg i helikopter. Therese har pakka sandalar og sommarkjole, eit manus ho driv og les. Det kan bli mykje venting. Nokre småting til Edvin. Bukse og t-skjorte, ei truse, bamsen hans, som han hadde fått då han slutta med smokk. Etter ei stund kjem tre legar med munnbind inn på rommet der dei sit. – Eg er redd eg har dårlege nyheiter, seier ei av dei.

Nesten alle historiar handlar om korleis og kvifor livet endrar seg. Den tiande august 2020 er ein nydeleg sommardag med sol på himmelen. Edvin (6) og Idun (9) er på sommarferie hos besteforeldra sine i Gudbrandsdalen. Foreldra Therese og Bår er i Oslo og pussar opp leilegheita, slik at ungane for første gong skal få kvar sitt rom. Så skjer det noko som skal endre livet for alltid.