台語講自然 Tâi-gí kóng tsū-jiân

寶可夢講自然-ep11

這擺欲透過寶可夢紹介的是華語叫做“穿山甲”的鯪鯉（lâ-lí）。 你敢知全世界攏總有幾種鯪鯉？有一種鯪鯉叫做神秘鯪鯉，是按怎會號這个名？鯪鯉除了拄著人類補掠的危機以外，閣有另外一个閣較嚴重的危險喔！愛按怎予in避免遐的危機咧？ 這擺的出名人欲紹介的是日本時代的博物學家——楚南仁博。伊和鯪鯉有啥物關係？故事時間欲講的是一張足有科技感的圖，小徛鵝會按怎講這个故事咧？ 咱做伙來聽！ https://a-ying.tw/podcast [https://a-ying.tw/podcast] -- Hosting provided by SoundOn [https://www.soundon.fm/]

寶可夢講自然-ep10

逐家好，今仔日咱欲來講的就是彼隻頂港有名聲下港有出名的Pokemon——pikachu！ Pikachu的原型，可能是鳥鼠、可能是一類英語叫做pika、台語叫做鳥鼠兔仔的兔仔，嘛有可能是膨鼠，pika咱台灣無，鳥鼠已經紹介過矣，咱就來用pikachu紹介膨鼠looh！ 台灣的原生膨鼠有三種，號做黃腹膨鼠、金瓜鼠、赤腹松鼠，in佇佗位看會著，閣有啥物特徵？ 去公園有時會看著人咧飼膨鼠，按呢會有啥物問題？ 今仔日無出名人的紹介，毋過欲講一篇足趣味的研究，膨鼠竟然會去蓋OOOO的布袋？？！！（文章佇遮：https://link.springer.com/article/10.1007/BF00292100） [https://link.springer.com/article/10.1007/BF00292100）] 落尾的故事時間嘛是一張圖，邀請逐家和小徛鵝做伙來講看覓。 上尾有一个特別放送，若是逐家kap意，歡迎共阮揤5粒星喔！ https://a-ying.tw/podcast [https://a-ying.tw/podcast] -- Hosting provided by SoundOn [https://www.soundon.fm/]

寶可夢講自然-ep9

這擺欲和逐家紹介台灣的六種毒蛇閣有in的毒性類型； 毒性和蛇的種類按怎記較好記咧？小徛鵝佇這集講予你知喔！ 蛇予蛇咬著欲按怎做？按怎查佗一間病院有血清？衛福部的網站會當查著喔 https://smis.cdc.gov.tw/smis/Application/AA/AA99/AA9904_01.aspx [https://smis.cdc.gov.tw/smis/Application/AA/AA99/AA9904_01.aspx] 今仔日紹介的出名人是杜聰明博士，伊和蛇毒有啥物關係？伊閣有啥物其他的研究成果？ 落尾的故事時間是看圖講故事，來聽小徛鵝按怎講、若是你，你會按怎講這張圖咧？ 做伙來聽這擺的podcast！ https://www.instagram.com/p/DYbvu-YD-Zw/?img_index=2 [https://www.instagram.com/p/DYbvu-YD-Zw/?img_index=2] -- Hosting provided by SoundOn [https://www.soundon.fm/]

寶可夢講自然-sp1

今仔日講的是分類 對生物界上基本的分類——界、門、綱、目、科、屬、種——來紹介， 學名閣是按怎號的？ 今仔的故事時間是用一張圖來講分類，若是你來分，你會按怎共彼張圖內底的物件分類咧？ https://www.instagram.com/p/DXyCce7j5tr/ [https://www.instagram.com/p/DXyCce7j5tr/] -- Hosting provided by SoundOn [https://www.soundon.fm/]

寶可夢講自然-ep8

這集欲講的閣是鳥仔矣！ 你敢知影目前為止世界上上大kiau上細的鳥仔是誰？In有偌大偌細？ 21號的鳥仔性地足䆀/歹，佇咱的世界敢嘛有遮呢歹的鳥仔？In有閣是誰？ 頂一回講著分類內底的“目”，這擺紹介另外一个名詞“亞種”。 台灣特別的鳥仔亞種逐家應該攏聽過in的叫聲，in就是華語叫五色鳥的花仔和尚。 In拄著啥物生存危機？閣會當按呢避免這寡危機？ 今仔的出名人欲紹介的是日本學者黑田長禮，伊是共台灣足濟鳥仔號名的研究學者； 故事時間這擺欲講的是和粟鳥仔有關係的原住民故事，以上的內容，邀請逐家做伙來聽喔！ -- Hosting provided by SoundOn [https://www.soundon.fm/]