Dɔgɔkun kibaruw

Guinée fasodenw tɔgɔlatɔn cilen FNDC, ka Omar SYLLA ni Foninké MENGUE ka tunuli san yɛlɛman,  USA ni farafinna jamanaw ka lajɛrɛ, Mali la, minisiri kɔrɔ Filly SISSOKO n'a nɔfɛ mɔgɔw ka kiri jabi,  Kenya ka lɔgɔkun tɛmɛlen wulikajɔw n'a kɔlɔlɔw, ka laban ni agni siaw ka duun duun laseginli ye o ma, ka bɔ France,  aw bi na nin kunafoniw bɛ lo fɛsɛfɛsɛ aw ye bi ka kɛnɛ kan, an ni kunnafonidilamuso Mariam KANTE lo bi n'o waleya.

Mali jamana ka taratalon jatigɛwale binkanni 7, o min kɛra dugu 7 kɔnɔn, Burkina Faso Fada N'gourma ka sanfɛ kalanso jatigɛwale binkani, Côte d'Ivoire gendarmew fila ka minɛnli Burkina Faso sorasiw dɛmɛbaga VDPw fɛ, ani o ka labilali, Sénégal jamana na, Ousmane SONKO ni minisiri kɔrɔ Mame Baye NIANG ka kiriko ŋɔngɔnsama sama. Maïmouna SANOGO ni a ka mɔgɔ welelen Aboubacar Demba DIABY y'o kunafoniw lo fɛsɛfɛsɛ aw ye bi sibiri lɔgɔkun kibaru ka kɛnɛ kan... Mali jamana la , jatigɛwale binkanin tara ka mara 7 hakɛ sɛgɛrɛ kunu tarata.Mali kɛlɛbolo y'o lase kɛ dantigɛli sɛnbɛn dɔ kɔnɔ sufɛ k'u ye jatigɛwale kɛla 80 nin kɔ de bɔ barala. O sɛnbɛn kelen in kɔnɔ kelɛbolo ko binkanin ninu bɛlajelen de kɛra ɲɔngɔnfɛ ka ɲɛsi sɔrasiw ka dagaw ma. Kɛnrɛn kɛnrɛn ne yala Kayes , Niono nin Nioro du Sahel jamana in kɔkɔdugu yanfan fɛ , Senegal nin Mauritanie dancɛw kɛrɛfɛ.JNIM jatigɛwale kulu de ye binkanin in tigiya ta. Baba wattara Yala ni ye kɛlɛ fɛɛrɛ kura lo ye jatigɛwalekɛla ninnu fɛ wa... Binkani kɛra Diboli, o ye Mali ni Sénégal dancɛ ye, kisɛ ci kanw mɛnna yɛrɛ fo Kidira Sénégal fanfɛ, yala o ko ka kan ka Sénégal kanw kamana guan wa. Aw ye kalan kɛ fanaMALI: Seere dɔw bɛ ka fɔ k'u ka mɔgɔ siwiligansanw fagara Kayes jatigɛwalebinkanni senfɛ [https://rfi.my/BoWJ] Burkina Faso, an y'a ye taratalon, ko jatigɛwalekɛlaw ye binkani ta ka Fada sanfɛ kalanso sɛgɛrɛ, polisi minnu tun ye kɔrɔsila  6 fagara o cɛman, sanfɛ kalanden 1 mandimina, ni y'a fɔlɔ ye o ka binkani ta ka ŋɛnsin sanfɛ kalanso dɔ ma, o fana kɔrɔ ye mun ye... An y'a ye k'o na ta bɛ,  Mali sorasiw ye sebaya sɔrɔ o kan ni sen in na, an bi se ka jigiya ka fɔ ko fanga bi ka fan fanlen wa... Côte d’ivoire, sɔrɔdasiw 5 minu kun minɛ na, burkina sɔrɔdasiw dɛmɛbaga VDP fɛ labilala. Abidjan yɛre de ya sɛbentia ko u ka sɔrɔdasi 5 nunu sera ka côte d’ivoire faba lasɔrɔ, juin kalo kilé 29. Côte d’ivoire sɔrɔdasiw nunu kun minɛna, juin kalo kilé 21 tɛmɛlen Burkina Faso dance la, larawili dɔ sɛnfɛ, Kalamon sunu bɔ yɔrɔ la. Nka côte d’ivoire sɔrɔdasiw nunu ka labila sera ka kɛ, ni jamana fila nunu kɛlɛbolo ka, sɔrɔnalido ye. Maraboloba 17 ani marabolo 47 de be sisan Burkina Faso kɔnɔ [https://rfi.my/BoWx] Paul OULA, a bi na fɔ ko sisan, jamana fila ninnu ye ji suma kɛ o koji ra, wa o sera ka ni ko laŋanabɔ teliyara, a ma kɛ komi kɔrɔlen ŋɔngɔn sama samaw kɔ.... Sénégal jamana la, kunu kiri blon ba Cour suprême masɔn ka ɲangili kiri blon Chambre pénale ka laɲini ta bala sénégal minisiri kɔrɔ Mame Mbaye Niang ni fanga sina Ousmane Sonko ka kiri ko la. O min laɲini tun kɛra san 2024 janvier kalo kile naani. Ousmane SONKO tun ɲangira ka cfa wari million kɛmɛ fla sara Mame Mbaye Niang ye.,N’ga kunu lase dɔ senfɛ a ka bɔlɔlɔw sanfɛ , Ousmane SONKO k'ale tɛ na koyi bila a ka ciɛn ka segin a ma. Ko wa a bi  bɛna laɲini kiriko minisiri fɛ a ka segin ka kiri in dayɛlɛ kokura. An ka lamɛ Ousmane SONKO yɛrɛ lamɛn. Aw ye kalan kɛ fanaAn ka Ousmane SONKO lamɛn a ka ɲangili ko kan kiriso fɛ kunu [https://rfi.my/Bo8v]

Aw bisimila aw ka lɔgɔkun kibaru kɛnɛ kan, o min kɔnɔ anbɛ kuma CEDEAO tɔn kan, ni Sierra Léone jamanakuntigi Julius Maada Bio sukandira ka bla a ɲɛma, an be kuma fana mɔgɔ diyagoyaminɛliw kan Burkina Faso, fagiliw minnu kɛra Bénin wulikajɔw senfɛ. An bɛna kɛnɛ in kuncɛ Iran ani Israel ka kɛlɛ jɔ bɛnkan dɛla.

An bɛ foli lakuraya lamɛbaga jɛkulu bɛlajɛlen ye aw minnu sɔgɔlen be RFI Mandenkan la nin waati.  Nin y’aw ka dɔgɔkun kibaaru jɛmukan kɛne sigilɛn ye. Bi, an bɛ taa Iran ani Israel, mugujugu-misili-ciliw be sena halisa, o kɔ, an bɛnata La Guinée marabagw y’a latigɛ k’a nɔnabila ni kalatakow ɲɛnɛbɔcakɛda kura wɛrɛ ye DGE bla sɛnka, an bɛna kɛnɛ in ban Mali ani Sénégal.  An ka mɔgɔ wɛlɛlɛn ye Bréhima Sidibé ye kabɔ Francce jamana na, ale ye Pɔlitikikɔ dɔnbaga ye.

Aw bisimila aw ka lɔgɔkun kibaruw kɛnɛ kan, o min bɛ taa n'an ye Sénégal jamana na, jamana ONUkuntig kɔrɔ Macky Sall ka minisiri kɔrɔ Moustapha Diakhaté blara kasɔ la, ka aye kuma jugu fɔ ka ɲɛsin jamana kuntigi ma, Mali la, sɔn kɛra ka san 5 sarati fara donnatɛmɛ fanga kuntala kan. Rwanda fanan ya latigɛ kabɔ Farafina camancɛ yanfan jamanaw ka sɔrɔkɔ tɔnba kɔnɔ. An bɛ kɛnɛ in kuncɛ France jamanaɲɛmaa ni maarabajɛkulu ɲɛmaa 60 ɲɔgɔn tunbɛ diɲɛ tɔnba ONU  ka lajɛ la Nice, yasa ka fɛɛrɛw sɔrɔ ko kɔkɔji lakana.